細個嘅時候爸爸好重視我哋嘅智商 IQ.
而我由細到大都以為自己好蠢，因為我花名叫做「蠢呀妹」，雖然我IQ 原來屬於高過平均數（平均數100），但係因為家中4 個人，IQ最低係我，而且由細到大俾人叫做蠢呀妹，我就決定既然我IQ低，不如主力訓練自己嘅 EQ （因為聽說IQ係天生冇得訓練，EQ 可以）。 所以十幾歲已經開始研究 EQ呢樣野。
又因為 Young Living 既事業，同埋Gretchen 常常提醒我講說話，要令到人哋聽得舒服，令其他人容易接受；又經過過去幾年跟 Rex 既訓練、同我男朋友成日係身體提點我（唔係放煙花 ）我相信我終於明白EQ 係咩嚟。
有冇聽過「情商」 EQ 比 「智商」IQ重要？
而家，建立咗自己嘅事業、幫助其他人建立佢哋嘅事業，明白到「情商」就係建立人際關係嘅基本 ： 家庭關係、朋友關係、同事關係。
我地中國人有句 ：「修身齊家治國平天下」，而家深明道理～ ～ 唔係話要治國定要平天下咁勁，但做任何事其實要先 「修身」，即係搞好自己 (Self Awareness): 搞好自己健康、情緒、自我觀念、自我價值，管理控制好自己（Self Regulation) 既思想、價值觀、自我監察行動、思維。 搞好咗自己，原來身邊嘅事情自然慢慢會轉好，好自然，係天然定律。Your world is a reflection of who you are. 你活在既個世界就係你內心嘅倒影。你睇其他人唔順眼咩？其實係你睇自己唔順眼。你對其他人好多批評咩？其實係你對自己好多批評。 完全同其他人無關。
管理好自己，才能擁有健康身體、才有好嘅家庭關係； 管理好家庭，才可以好好同身邊嘅人相處；有好嘅人際關係，就會有好既推動力，做好事業，同幸福健康嘅人生。我識得好多人有好高嘅智商（IQ 高過 150） ，但係生活得唔健康、有啲搵到好多錢、有啲搵唔到錢、但同身邊嘅家人同朋友關係唔好、唔快樂、日子過得唔開心。
有啲IQ高嘅，仲會自欺欺人，話「我好好呀！我好幸福呀！」但係一邊喺度鬧老公、鬧仔女、投訴同事。因為冇 Self awareness, 容易發脾氣，鬧身邊嘅人、因為自己叻，成日覺得人哋蠢、覺得自己啱晒，唔會反思，覺得全部都係人哋錯。 你哋身邊有冇呢啲人？IQ 高 EQ 低？多盲點？
如果身邊嘅事情唔如意，人際關係出咗問題、工作出咗問題，先審查自己：對方究竟有冇講中我既盲點？我有啲咩做得唔好？我點樣可以做好啲？搵一個你信任嘅人同你做 review?  你呢？ 你自問 EQ如何？ 自我管理得如何？
Source: Posted on LinkedIn by David Sym-Smith, based on the work of Daniel Goleman
